Veturinn er sannarlega að láta vita af sér núna, hér er allt á kafi og snjóar, meðan ég hamra á tölvuna syngur dóttla hástöfum eitthvert Adele lag – æfir sig fyrir söngvakeppni hjá FNV- Úti í myrkrinu kúrir jörðin undir hvítu teppi bíður, eins og ég vorsins sem langt er í enn.
Lesa meira »

Kannski er það myrkrið sem hefur þessi áhrif á mig og þessi vetur sem nú er í algjöru ójafnvægi, kafsnjór eða mígandi hláka, hvað sem það er þá er ég rótlaus og veit ekki hvar eða hvernig ég á að vera. Verður lítið ágengt, vantar eldmóðinn til að sinna verkefnum dagsins og á sífelldu rjátli við að gera ekkert. Velti fyrir mér tilganginum með þessu öllu saman,
Lesa meira »

Nýtt ár, nýir tímar, nýjar áskoranir. Rétt fyrir jól spurði samstarfskona mín mig hvernig ég ætlaði að verja jólum. Ég svaraði umhugsunarlaust …ég ætla bara að reyna að lifa þau af, það kom pínu á hana líklega ekki átt von á þessu svari sem var þó mjög hreinskilið. Ég lifði jólin af og öðru hvoru þurfti ég að minna mig hraustlega á að ég ætlaði ekki að dvelja við það gamla heldur fagna því nýja.
Lesa meira »

Ég elska að fá börnin mín heim til mín, …að taka á móti litlu fjölskyldunni hans Arnars míns, sem inniheldur  Arnar, Eddu tengdadóttur og Val Darra, litla, fallega ömmustrákinn, sem er yfirleitt brosandi með 2 tennur í neðri góm núna. Að fá hinn stóra strákinn minn hann Aron heim í jólafrí og hafa hann hjá mér í rúmar tvær vikur, svo notalegt. Prinsessan mín hún Hera er enn hér heima á bauninni sinni ;O), en áreiðanlega styttist í að hún fari að skoða sig um í veröldinni og bráðum kemur hún kannski bara heim í fríum eins og Aron. Þau eru öll að verða fullorðin, börnin mín og ég sem eldist ekki neitt ;O)

Lesa meira »

Fallegur er hann þriðji sunnudagurinn í aðventu, smá bloti kominn í snjóinn þannig að hann fýkur ekki þó komi vindur. Enginn vindur í dag aðeins stilla í lofti og þegar ég loks dröslast út úr húsi er klukkan hálfþrjú og himinn í vestri fjólublár og bleikur í skini síðustu sólargeisla sem ég þó sá ekki, í norðri er hann dökkur og blár og tunglið kviknað og skín svo silfurskært á hála brautina sem lýsir upp í bílljósunum.
Lesa meira »

Fyrsti sunnudagur í aðventu er upprunninn, út um gluggann minn sé ég að veturinn hefur skreytt okkar fallegu sveit hvítu og stöku snjókorn fellur til jarðar ofan á þau öll sem fyrir eru. Í fjallinu fyrir ofan mig grillir enn í jörð undir þunnu lagi snjókornanna, hátíðlegt og viðeigandi á þessum degi.
Lesa meira »

…og ég búin að fá kortin  mín úr prenti. Set hér inn mynd af þeim – þið pantið ef ykkur langar í kort 2011 ;O)

Hér er dimmt og fólk löngu farið að lauma upp jólaljósum til að fá birtu og þau eru alltaf jafnfalleg. Ég þvælist á nýju spelkunum í endurhæfingunni og þær hafa gert mér það kleift að fara í tækin þar sem ég get sest í þeim – það var eiginlega bara frábært að geta það. Ég er enn komin á stól með lægra baki þannig að á einu ári hef ég lækkað bakið um 10 cm. sem er nú bara ansi gott finnst mér. Ég finn ekki fyrir því að þetta sé erfiðara jafnvægislega en óvanir vöðvarnir hafa mótmælt og launað mér ónæðið með vöðvabólgu. Nema hvað – ekkert er tekið út með sældinni. Ég er farin að hugsa um Indlandsreisu þá fimmtu, finnst samt betra að hugsa ekki um hana enda þarf ég ekkert að spá í hana fyrr en í fyrsta lagi í febrúar, ég reikna með að sú ferð verði sú síðasta hjá mér nema eitthvað stórkostlegt gerist, hver veit. Ég ætla að selja kortin um næstu helgi á jólamarkaði á Kaffi krók – á laugardag en þá verða ljósin tendruð á jólatrénu hér á kirkjutorginu. Njótið aðventunnar!

Já, ég ætla ekkert að fegra þetta ég er montin með mig í dag. Ekki svo oft sem ég get verið það og ég nýt þess núna.  Mér datt í hug fyrir viku síðan, þegar ég hafði haft það af að hjóla fram í Staðarrétt, að taka þátt í styrktarhlaupinu sem Árni Stef. og skokkhópurinn hans hafa staðið fyrir síðustu ár og gerðu aftur í dag. Ég ákvað að hjóla á hjólastólnum 17 km. frá Glaumbæ. Ég fékk vinkonu mína hana Höllu Guðleifs til að vera mér til halds og trausts á bílnum og í versta falli til að pikka mig upp ef ég kæmist ekki alla leið. Við lögðum af stað kl. 9:30 kl. 12:30 vorum við komnar að endastöð við Sundlaug Sauðárkróks.      
Lesa meira »

Ég var búin að kvíða fyrir í dag að halda aðalfund Sjálfsbjargar í Skagafirði, einhvernveginn var ég komin í hlutverk formanns í félagi sem ég þekkti lítið til og viðurkenni fúslega að ég þekki ekki nógu vel enn, þrátt fyrir að hafa undanfarna mánuði reynt að skrapa saman þekkingu á málefnum félagsins í þekkingaskjóðu mína. Fundurinn tókst ágætlega enda hafði ég góðan fundarstjórnanda, ég sjálf þarf hins vegar að leggjast undir feld og kynna mér allskonar regluverk, lög og fleira sem þetta stóra hagsmunafélag hefur áorkað og hefur á sinni könnu. Sem betur fer eigum við öflug félög sem mynda aðhald og þrýsting á ríkisstjórnir  og sveitarstjórnir um að muna nú eftir að öryrkjar eru líka fólk sem þarf að lifa á nákvæmlega sama hátt og annað fólk í þjóðfélaginu.
Lesa meira »

Þeir eru mættir, rauðir, gulir, brúnir og grænir dansa þeir  í fjallshlíðunum og snögglega voru þeir mættir í garðinn minn. Rauður dansar í reynitrénu mínu meðan gulur stekkur um limgerðið mitt, fallegu, fallegu haustlitir. Á laugardaginn vaknaði ég við sms hljóð í símanum mínum, í skilaboðum stóð – eigum við að hjóla í Varmahlíð? Það gat engum dottið þetta í hug nema Ritu vinkonu minni og eftir að hafa hellt í mig tveim bollum af kaffi svaraði ég játandi.
Lesa meira »